ميدو: لابد من وضع سقف مرتبات للاعبين والمدربين والإعلاميين

انتقد أحمد حسام ميدو، نجم الزمالك والمنتخب الوطني السابق، وجود فوارق ضخمة في المرتبات ما بين لاعبي ومدربي كرة القدم والعاملين في القطاع الصحي.

ونشر «ميدو» عدة تغريدات عبر حسابه بموقع «تويتر»، قال فياه: «ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم.. وهنا الموضوع مش موضوع أرزاق. الموضوع موضوع عدل.. لازم يبقى في نسبه وتناسب.. لازم نستغل الظروف اللي بنمر بيها وحاجات كتيره تتعدل».

وأضاف: «مثلاً ماينفعش لاعب أو مدرب في الدوري المصري المتواضع جدًا فنيًا يكون دخله مئات أضعاف العاملين في القطاع الصحي والقطاع التعليمي بالذات.. أه لاعب الكرة والمدرب لازم يتم تقديره بشكل جيد لأنها موهبة ومهنة صعبة جدًا.. لكن الفروق لازم ماتكونش بعيده أوي كده».

وواصل: «أكثر حاجه لازم الدولة تتعملها إن لازم يحصل تعديل في الموازنة العامة، ولازم الصحة والتعليم يتخصص لهم نسبة أكبر بكتير، ولازم يتم تخفيض عدد الموظفين الحكوميين، ولازم الفلوس اللي بتتصرف على الكرة والإعلام والفن يتم تخفيضها بشكل كبير.. ولازم يتعمل سقف مرتبات للاعبين والمدربين والإعلاميين».
وتابع: «لازم الوزير أشرف صبحي والأستاذ عمرو الجنايني يشتغلوا.. أه مفيش عقد لأي لاعب أو مدرب يتم اعتماده إلا بسقف معين يزيد كل ٣ سنوات السقف ده ١٥ ٪.. الأندية المصرية كلها بلا استثناء بتخسر ملايين.. وايه العائد؟ مفيش أي عائد.. دوري تعبان من غير جمهور بيفرز ٢ أو ٣ لاعيبه مميزين كل موسم!!

-الإعلانات-