الحضري عن رغبته في العودة للأهلي: «عملت حاجة أكبر والموضوع بقى عادي» (فيديو)

«هل لا يزال عصام الحضري يرغب في العودة إلى النادي الأهلي؟»، سؤال كان محور حديث الحارس الأهم في الكرة المصرية على مدار أكثر من عقد من الزمن حين حل ضيفًا على برنامج «اللعيب» على قناة MBC مصر، فكيف أجاب؟

وقال الحضري: «النادي الأهلي عشان نتكلم على النادي الأهلي مش كعصام الحضري، كأي لاعب من أبناء النادي الأهلي، النادي الأهلي ليه فضل عليه بعد ربنا سبحانه وتعالى، إحنا بنحب الكيان وبنحب النادي الأهلي وبنحترم النادي الأهلي، لأن أنت راجل لو أنكرت الجميل إنه عملك وعملك، يبقى ملكش خير في أهلك».

وأضاف: «حتة أرجع النادي الأهلي، أنا كنت أتمنى أرجع النادي الأهلي بس بعد كأس العالم حسيت إن أنا خلاص إن أنا عملت حاجة أكبر، معلش ممكن الناس تزعل من الكلمة دي أو حاجة، لا، إحنا بنحترم النادي الأهلي وكل حاجة، بس أنا لما لعبت كأس العالم كنت عايز لما أبطل أبطل وأنا كبير في حاجة كبيرة».

واستطرد: «النادي الأهلي كبير، بس بعد لعبي كأس العالم، وإن أنا أحقق رقم قياسي، اللي هيفضل مش باسم عصام الحضري بس لا هيفضل باسم مصر. بعدها لقيت الموضوع بقى عادي، بس في الأول والأخير إحنا بنحب الكيان وبنحترم الكيان لأن هو ده النادي الأهلي اللي عملنا».

-الإعلانات-