كشف حازم إمام، عضو مجلس إدارة اتحاد الكرة، آخر تطورات ملف المدرب الأجنبي الجديد للمنتخب الوطني، والذي سيتولى مهمة تدريب الفراعنة خلفًا للأرجنتيني هيكتور كوبر.
وقال «إمام» في مداخلة هاتفية ببرنامج المدرج على قناة «دبي إم سي»:«في أسماء كتير كويسة ونفسها تيجي تدرب مصر، اتكلمت مع مدربين ووكلاء، وكلهم شافوا منتخب مصر وعارفين إن فيه لاعيبة كتير كويسة».
- الإعلانات -
وأضاف: «محتاجين نغير.. كوبر عمل شغل كويس وصل نهائي أفريقيا والمونديال وده إنجاز يحسب له، لكن تفكيرنا في إننا نجيب حد بيلعب الكرة اللي عاوزينها، تكون عقلية المدرب هجومية».
- الإعلانات -
وفيما يخص أبرز المرشحين، قال «إمام»: «وحيد خليلودزيتش، راجل كويس ومدرب متابعنا بشكل كويس، بنحاول معاه، وشايف إنه هايفرق معانا هو أو كيكي فلوريس، وبنحاول ننزل في قيمة التعاقد».
وأوضح: «المدرب اللي هاييج هايقعد معانا 4 سنين، لغاية كأس العالم اللي جاي، في 4 مدربين بنفاوضهم، وفي سير ذاتية لسة بتيجي».
أما عن المدرب المصري فقال «إمام»: «مع كل الاحترام والتقدير لكل المدربين المصريين، تركيز الاتحاد حاليًا في التعاقد مع مدرب أجنبي».
حازم إمام يكشف عن المدرب الأقرب لتدريب المنتخب المصري وهل المدرب المصري خارج حسابات اتحاد الكرة#المدرج pic.twitter.com/v4kkdrQsgN
— dmc sports (@dmcsportstv) July 25, 2018